У ноч з 17 на 18 чэрвеня над Беларуссю можна было назіраць рэдкую з'яву — серабрыстыя аблокі. Як паведамілі ў прэс-службе Брэсцкага аблвыканкама, гэтае відовішча было заўважана ў Ляхавіцкім раёне.
Фота: t.me/pervyiregion
Серабрыстыя аблокі — гэта вельмі рэдкая прыродная з’ява. Яны ўтвараюцца на вялікай вышыні — каля 80 кіламетраў над зямлёй — і з'яўляюцца толькі ў час глыбокага змроку. Ва ўтварэнні серабрыстых аблокаў удзельнічае метэорны пыл, на якім адбываецца кандэнсацыя вільгаці і фарміраванне аблокаў з крышталяў вады на вышыні ў дзесяць разоў вышэй за звычайныя трапасферныя аблокі.
Каментары