Рэчыцкая раёнка абрынулася з крытыкай на дзяцей, падлеткаў і іх бацькоў — за тое, што тыя купляюць цацкі Лабубу. Папулярны ва ўсім свеце трэнд, у тым ліку і ў Беларусі, абурыў работніка газеты Яўгена Капбу, які, дарэчы, пазіцыянуе сябе не толькі як журналіст, але і як пісьменнік-фантаст, заўважыў «Флагшток».
Рэчыцкі прапагандыст называе калекцыянаванне цацак «істэрыяй» і піша, што яму страшна праз тое, што «нашы дзеці так лёгка паддаюцца ўплыву невядомых людзей, якія прасоўваюць нешта чужое і неўласцівае нашай культуры»:
«Страшна, што многія бацькі не могуць растлумачыць сваім дзецям абсурднасць таго, што адбываецца, не могуць прапанаваць замену абсалютна бескарыснай штучцы».
Раней ідэолагі з такім жа імпэтам змагаліся з Хагі Вагі — цацкай, якая была ў трэндзе да Лабубу.
Мілыя ці пачварныя? Чаму лялькі Labubu сталі сусветнай сенсацыяй
За месяц попыт на лялек Лабубу вырас на «Куфры» ў 6,5 раза
Беларускі святар растлумачыў, ці можна дзецям гуляць з шалёна папулярнымі монстрыкамі лабубу
Арына Сабаленка пахвалілася моднай цацкай лабубу
У Брытаніі знялі з продажу модныя лялькі-монстры Лабубу — праз іх здараліся бойкі паміж пакупнікамі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары