Прэзідэнт Расіі Уладзімір Пуцін вырашыў не ўдзельнічаць асабіста ў саміце БРІКС, які адбудзецца ў Бразіліі 6—7 ліпеня. Гэта звязана з тым, што Бразілія, як краіна, якая падпісала Рымскі статут Міжнароднага крымінальнага суда (МКС), мае абавязак арыштаваць яго паводле выдадзенага ў Гаазе ордара, паведаміў памочнік прэзідэнта Расіі Юрый Ушакоў.
Замест Пуціна на саміт паедзе міністр замежных спраў Сяргей Лаўроў, а сам расійскі лідар возьме ўдзел у сустрэчы ў фармаце відэасувязі.
«Прэзідэнт будзе ўдзельнічаць па відэасувязі ў асноўных мерапрыемствах гэтага саміту. Гэта звязана з пэўнымі складанасцямі ў кантэксце патрабаванняў МКС, вы ведаеце, і менавіта ў гэтым кантэксце бразільскі ўрад не мог заняць выразную пазіцыю, якая дазволіла б нашаму прэзідэнту прыняць удзел у гэтым пасяджэнні», — заявіў Юрый Ушакоў.
Бразільскі прэзідэнт Лула да Сілва раней ужо адмаўляўся гарантаваць Пуціну бяспеку ў выпадку ягонага прыезду на саміт G20 у Рыа-дэ-Жанэйра. Ён заявіў, што рашэнне адносна магчымага арышту ў гэтай краіне прымае суд, а не ўрад.
У 2023 годзе Пуцін ужо адмаўляўся ад паездак на міжнародныя саміты — у ПАР, Індыю і Турцыю — па тых жа прычынах. ПАР ужо папярэдзіла, што не запрашае Пуціна на саміт G20 у 2025 годзе, бо прававая сітуацыя не змянілася і МКС застаецца абавязковым для краіны. У той жа час ён рызыкнуў з'ездзіць у Манголію, якая таксама падпісала Рымскі статут, і мясцовыя ўлады арыштаваць яго не наважыліся.
«Мы знаходзімся ў энергетычнай залежнасці». Манголія растлумачыла, чаму не арыштавала Пуціна
Былога прэзідэнта Філіпінаў арыштавалі па ордары Міжнароднага крымінальнага суда
Арменія ратыфікавала Рымскі статут Міжнароднага крымінальнага суда, які выдаў ордар на арышт Пуціна
«Мы будзем шчаслівыя, калі ён не прыедзе». У ПАР зноў папрасілі Пуціна не ляцець на саміт БРІКС
ПАР цяпер кажа, што не плануе выходзіць з дамовы аб Міжнародным крымінальным судзе дзеля Пуціна
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары