24 чэрвеня каля 10:40 раніцы 18-гадовы жыхар Віцебска, кіруючы аўтамабілем Nissan Sentra, спрабаваў абагнаць іншы транспарт каля аграгарадка Мазалава. Падчас манеўру ён выехаў на паласу сустрэчнага руху і сутыкнуўся з аўтамабілем Kia Sportage, у якім ехалі турысты з Расіі, паведамляе Следчы камітэт.
У выніку аварыі 11-гадовая дзяўчынка, якая знаходзілася ў Kia, атрымала цяжкія траўмы і памерла ў бальніцы. Кіроўца і 47-гадовая пасажырка Kia пасля медыцынскай дапамогі былі адпушчаныя. Кіроўца Nissan і 11-гадовы хлопчык-пасажыр Kia застаюцца ў рэанімацыі.
Следчыя высветлілі, што малады вадзіцель атрымаў правы толькі ў красавіку гэтага года. На момант аварыі ён быў цвярозы.
У дачыненні да яго завялі крымінальную справу паводле артыкула 317 Крымінальнага кодэкса Беларусі — за парушэнне правілаў дарожнага руху, што пацягнула смерць чалавека па неасцярожнасці.
«Беларусь цябе любіць». Рэпартаж з развітання з Мікітам Мелказёравым8
Каментары