Мінабароны паказала, як «Арэшнік» заступаў на баявое дзяжурства
Мінабароны апублікавала відэа, як расійскі ракетны комплекс заступіў на баявое дзяжурства ў Беларусі.
Гэты комплекс лічыцца адным з самых сучасных у расійскім узбраенні: ён здольны паражаць цэлі на адлегласці да 5000 кіламетраў.
«Арэшнік» можа несці як звычайныя, так і ядзерныя баявыя часткі.
Паводле мінабароны, комплекс валодае высокай мабільнасцю, што дазваляе здзяйсняць пускі з любога пункта маршруту баявога патрулявання, што робіць яго пазіцыі цяжкапрадказальнымі для разведкі.
Мінабароны не называе месца дыслакацыі, але даследчыкі знайшлі месца ў Беларусі, дзе базуецца «Арэшнік». Спадарожнікавыя здымкі паказваюць на будаўніцтва на былым вайсковым аэрадроме пад Крычавам, што ў Магілёўскай вобласці, усяго за некалькі кіламетраў ад расійскай мяжы.
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары
З Баярышнікам усё яшчэ весялей. 3 цяжкіх доўгамеры, колавы, а не гусенічны ход ды шмат колаў рэзка пагаршаюць ягоную праходнасць на тыповых беларускіх рэгіянальных дарогах. Фактычна ён патрабуе альбо шасэйных дарог з цвёрдым пакрыццём, альбо адмыслова падрыхтаваных грунтавых лясных дарог - адносна роўных, без рэзкіх паваротаў, дагледжаных, без скрыжаванняў з шасэйнымі дарогамі і аб'язджаючых населеныя пункты з мэтаў сакрэтнасці. На фоне адносна кепскага стану грунтовых дарог і мастоў у беларускіх рэгіёнах падобныя пацёмкінскія дарогі у медвядзіных кутах адразу ж прыцягнуць увагу. Каб не перашкаджаць руху комплекса, падобныя дарогі ня могуць быць схаванымі дрэвамі, таму яны добра бачныя са спадарожнікаў і ўразлівыя для паветраных удараў. Фактычна, у выпадку пагрозы паўнавартаснага канфлікту, шляхі руху Баярышніку і чыгунка да базы будуць знішчаны адразу ж, а сам Баярышнік - знішчаны на базе дыслакацыі.