Падчас раскопак у Крэўскім замку выявілі цікавую асаблівасць падмурка
Падчас археалагічных раскопак у Крэўскім замку, якія праводзяцца пад кіраўніцтвам Алега Дзярновіча, навукоўцы зрабілі нечаканую знаходку. У час даследавання рэшткаў трэцяй, раней невядомай вежы замка, яны выявілі, што яе падмурак зроблены не толькі з каменю, але і з драўляных элементаў, паведамляе тэлеграм-канал Інстытута гісторыі НАНБ. Гэта стала сапраўднай сенсацыяй, бо меркавалася, што замак цалкам каменны.
Аказалася, што драўляныя калы былі забітыя ў зямлю пад нахілам, каб раўнамерна размеркаваць ціск ад мураванага падмурка на вільготную, балотную глебу. Гэты інжынерны прыём быў неабходны з-за асаблівасцяў мясцовага грунту.
Таксама пад падлогай археолагі знайшлі вялікую драўляную бэльку даўжынёй чатыры метры. На ёй захаваліся сляды пажару 1433 года, калі князь Свідрыгайла спрабаваў узяць замак штурмам.
Цяпер спецыялісты абмяркоўваюць, як захаваць гэтыя драўляныя канструкцыі і, магчыма, прадставіць іх у будучым музеі Крэўскага замка.
Даследаванні на тэрыторыі замка вядуцца з 2017 года. У 2025 годзе на рэстаўрацыю выдзелена амаль 1,84 мільёна рублёў.
Мінскі краязнавец расказаў, якім было Замчышча і чаму знікла з карты сталіцы
На Заслаўскім замку спрабуюць раскрыць таямніцу падземнага ходу
Пахавальная палітыка Рурыкавічаў. Дзе спачылі беларускія князі часоў Старажытнай Русі?
Археолагі пачалі раскопкі на Заслаўскім замку. У планах — выявіць вялікую браму
Каментары