Жыхарку Бабруйска затрымалі за перасылку відэа з расійскай вайсковай тэхнікай у 2022 годзе
39-гадовую спецыялістку па перманентным макіяжы з Бабруйска затрымалі за адпраўку відэа з расійскай вайсковай тэхнікай «экстрэмісцкаму рэсурсу», піша СК.
Заведзена крымінальная справа па артыкуле аб садзейнічанні «экстрэмісцкай дзейнасці» (артыкул 361-4 КК).
Паводле версіі следства, бабруйчанка ехала на аўтамабілі са Светлагорска ў Мінск і Бабруйск. Па дарозе яна зняла на відэа калону тэхнікі, якая ехала ў Гомельскую вобласць, і адправіла запіс «экстрэмісцкаму каналу». Пра які менавіта канал ідзе гаворка — не ўдакладняецца.
Муж затрыманай бабруйчанкі адбывае тэрмін па пратэсным крымінальным артыкуле, як піша СК, яго асудзілі за «ўдзел у масавых беспарадках».
Каментары