Супрацоўнікі міліцыі вярнулі мінчуку 500 тысяч рублёў, якія ён перадаў махлярам
45-гадоваму жыхару Мінскага раёна патэлефанаваў ілжэменеджар аператара сувязі і даведаўся асабістыя даныя.
Потым з ім звязаўся «следчы» і паведаміў, што на ягонае імя ашуканцы афармляюць крэдыты. Каб пазбегнуць праблем, вяскоўцу было сказана «задэклараваць» свае зберажэнні — паверыўшы махлярам, мужчына перадаў кур’ерцы амаль 500 тысяч рублёў
49-гадовая пасыльная павезла грошы ў Маскву, аднак перадаць іх пасярэдніку так і не паспела — дзякуючы супрацоўніцтву з паліцыяй з Расіі яна была затрыманая. Як высветлілася, раней яна сама трапіла на вуду махляроў, але пасля пагадзілася папрацаваць на іх.
Заведзена крымінальная справа за махлярства. Жанчына пагражае да 10 гадоў турмы.
Каментары