У Бангладэш вайсковы самалёт пратараніў школу, у якой было шмат дзяцей
У сталіцы Бангладэш Дацы адбылася трагедыя: вучэбны самалёт Вайскова-паветраных сіл краіны ўрэзаўся ў тэрыторыю школы і каледжа Mілстоўн у раёне Утара. На момант катастрофы вучні здавалі экзамены і наведвалі заняткі, піша Euronews.
Паводле паведамлення арміі Бангладэш, самалёт F-7 BGI належаў ВПС. У выніку падзення загінулі як мінімум 19 чалавек, дзясяткі атрымалі раненні. Больш за 50 пацярпелых былі дастаўленыя ў бальніцы, многія з іх — са страшнымі апёкамі.
Як паведамляюць СМІ, большасць пацярпелых — вучні. На тэлеканалах паказваюць кадры з месца трагедыі: знішчаны будынак і клубы дыму. Бацькі і сваякі ў паніцы збіраюцца каля школы, а параненых развозяць у шпіталі на рыкшах і іншых даступных транспартных сродках.
Адна з вучаніц, 16-гадовая Рафіка Таха, якая не была ў школе ў момант трагедыі, расказала, што ў Мілстоўне вучацца каля 2 000 дзяцей — ад пачатковых класаў да 12-га выпускнога.
«Калі я пабачыла гэта па тэлевізары — мяне ахапіў жах. Божа мой! Гэта ж мая школа», — сказала яна.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары