У лесе пад Гроднам зрабілі незвычайную знаходку — лісічку, якая вырасла проста з вачніцы чэрапа загінулай жывёлы: як мяркуецца, лася або аленя. Відэа з гэтым кадрам хутка разляцелася ў тыктоку, заўважыў «Анлайнер».
З крумкачамі, якія крычаць на фоне, відовішча атрымалася асабліва постапакаліптычным, нібыта з якой гульні The Last Of Us.
Рэакцыя карыстальнікаў аказалася рознай. Адныя былі ў захапленні і жартавалі: «Гэта ўжо не лісічка, а вачнічка». Іншыя — у разгубленасці ці нават шоку.
У каментарах таксама разгарэлася спрэчка: каму належаў чэрап? Версіі вар'іраваліся ад зубра да лісы. Некаторыя каментатары выказалі трывогу: ці не звязана гэта з хваробай жывёлы? Гучалі нават здагадкі пра інфекцыі, уключаючы сібірскую язву.
Адна з карыстальніц прызналася, што хацела б забраць чэрап дадому як сувенір.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары