Прадстаўнік іранскага парламента Аліясгар Багерзадэ падчас візіту на чале дэлегацыі ў Беларусь сустрэўся з кіраўніцай Савета Рэспублікі Наталляй Качанавай і анансаваў хуткі візіт у Мінск прэзідэнта Ірана Масуда Пезешкіяна, піша sb.by.
Багерзадэ паведаміў, што ў хуткім часе чакаецца візіт у Мінск прэзідэнта Ірана Масуда Пезешкіяна. Гэта, па яго словах, стане паваротным момантам для адносін паміж краінамі і паспрыяе рэалізацыі розных праектаў.
Раней Масуд Пезешкіян збіраўся наведаць Беларусь у канцы чэрвеня, але абвастрэнне канфлікту паміж Іранам і Ізраілем змусіла яго адмяніць візіт. Пра намер Масуда Пезешкіяна прыехаць у Мінск паведамілі літаральна за некалькі дзён да пачатку ізраільскай аперацыі супраць Ірана. Пры гэтым паведамлялася, што акрамя ўдзелу ў мерапрыемствах ЕАЭС і суправаджаючым яго эканамічным форуме, візіт прэзідэнта Ірана будзе мець таксама афіцыйны характар.
Асобна падчас сустрэчы Аліясгара Багерзадэ з Наталляй Качанавай закраналася тэма гуманітарнага супрацоўніцтва паміж краінамі: абмен студэнтамі, сумесныя навуковыя праекты і магчымасць наладжвання прамых авіярэйсаў паміж Іранам і Беларуссю.
Таксама паведамляецца, што тавараабарот паміж краінамі вырас на 14,2%.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»6
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць99
Каментары