«Вывезлі толькі да 6-й раніцы». З'явіліся падрабязнасці пра падзенне БПЛА ў Рэчыцы
Выданню «Флагшток» удалося даведацца некаторыя падрабязнасці пра падзенне ў ноч на 4 жніўня ў Рэчыцы невядомага беспілотнага лятальнага апарата, праз што эвакуявалі жыхароў вуліцы ў прыватным сектары. Афіцыйныя крыніцы так нічога і не паведамілі пра інцыдэнт.
Інцыдэнт адбыўся падчас чарговай расійскай масіраванай атакі на Украіну. Па словах аднаго з відавочцаў, ён бачыў БПЛА, які пралятаў над горадам, ужо прыкладна ў 22:20 увечары 3 жніўня.
Неўзабаве пасля гэтага, каля 22:30 у раёне падзення дрона адбыўся абрыў лініі электраперадач — мяркуецца, што прычынай гэтага магло быць тое, што правады зачапіў беспілотнік.
На месца здарэння прыбылі дзве машыны размініравання, аўтамабіль хуткай дапамогі, пажарная машына, 4 міліцэйскія аўто і некалькі цывільных.
«Картэж», які вывозіў дрон, выехаў толькі каля 6-й гадзіны раніцы — яго бачылі на вуліцы Савецкай. Калона на невялікай хуткасці накіроўвалася з райцэнтра ў бок вёскі Жмураўка.
Некаторыя відавочцы адзначаюць, што беспілотнік, які ўпаў у Рэчыцы, не быў падобны да «шахеда».
«З людзей узялі распіскі, каб усе маўчалі». Невядомы беспілотнік упаў у ноч на панядзелак у Рэчыцы
«Флагшток» склаў карту начных пралётаў дронаў над Гомельшчынай. Сітуацыя незвычайная
Зафіксаваная рэкордная за апошні час колькасць расійскіх дронаў, якія за ноч заляцелі ў Беларусь
Некалькі расійскіх дронаў праляцелі вечарам над Гомельскай вобласцю
Каментары