Улады Польшчы ўвялі санкцыі супраць яшчэ аднаго беларускага пастаўшчыка азотных угнаенняў — мінскага прадпрыемства «ГрандГраніт». Польскія ўлады мяркуюць, што гэтая кампанія займалася перапродажам угнаенняў, вырабленых на заводзе «Гродна Азот», які ўжо знаходзіцца пад санкцыямі Еўрасаюза.
Фота: grandgranit.net
«ГрандГраніт» пачаў займацца пастаўкамі мінеральных угнаенняў толькі з мая 2024 года, а раней спецыялізаваўся на гандлі гранiтным шчэбнем і цёмнымі нафтапрадуктамі. Польскі бок мяркуе, што кампанія выконвала ролю пасярэдніка.
У сувязі з гэтым Польшча прыняла рашэнне абмежаваць дзейнасць «ГрандГраніта»:
- замарозіць яго фінансавыя сродкі і рэсурсы на тэрыторыі краіны;
- забараніць аказанне фінансавай дапамогі;
- выключыць фірму з удзелу ў дзяржаўных закупках і тэндэрах.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу8
Каментары