Так, за 1 рубель у кішэні ўсё яшчэ можна нешта перакусіць — хоць і выбар абмежаваны, але магчымасці ёсць. Выданне «Электронны Салігорск» прайшлося па тамтэйшых крамах і паглядзела, што можна набыць за гэтую суму.
Маючы 1 рубель у кішэні, вы можаце набыць пакет макароны «групы Б», адну пачку макароны хуткага прыгатавання або ж «хуткі суп» на выбар.
Можна таксама пачаставацца салёнымі сухарыкамі або снэкавымі вырабамі айчыннага вытворцы.
З больш карыснага на паліцах крамаў мы знайшлі пакетаваныя кашы, фруктовыя пюрэ, ёгурты і тварожныя сыркі.
Сюды ж дададзім каларыйныя батончыкі-мюслі. Асартымент вялікі, ад розных вытворцаў, кошт — да 1 рубля.
У аддзеле салодкага былі выяўленыя вафлі і пячэнне па цане ад 49 капеек да 1 рубля.
А ў хлебным аддзеле, маючы ўсяго 1 рубель, можна набыць невялічкую булачку.
Напрыклад, круасан або мафін за 99 капеек. Таксама вашага рубля хопіць, каб наталіць смагу, набыўшы маленькую ўпакоўку соку або паўлітровую бутэльку пітной вады.
А калі вы ўжо паелі, то можна падзарадзіцца вітамінам С або асвяжыць дыханне з дапамогай жавальнай гумкі «Ментас».
Вядома, за 1 рубель складана купіць нешта паўнавартаснае і карыснае, аднак можна ўтаймаваць пачуццё голаду, калі да асноўнага прыёму ежы яшчэ далёка.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы2
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары