Беларусы заўважаюць значнае падаражанне чырвонай ікры ў крамах. Кілаграм гэтага далікатэсу ў некаторых выпадках каштуе каля 900 рублёў — прыкладна траціну сярэдняга заробку ў краіне, піша «Анлайнер».
Паводле звестак Белстата, у верасні 2026 года кілаграм ікры ласосевых рыб у сярэднім каштаваў 311,61 рубля. За год сярэдняя цана вырасла: у верасні 2025‑га яна складала 261,44 рубля.
Беларусь вырабляе ўласную чорную ікру, а чырвоная на беларускія прылаўкі трапляе пераважна з Расіі. Аднак у Расіі сёлета рэзка скарацілася вытворчасць чырвонай ікры. Паводле ацэнак аналітычнай платформы Tridge, у 2026 годзе яна можа скласці каля 3 тысяч тон супраць амаль 13 тысяч тон годам раней.
Адной з прычын называюць анамальнае пацяпленне ў паўночнай частцы Ціхага акіяна, якое ўплывае на міграцыю рыбы і наяўнасць яе харчовых рэсурсаў.
Скарачэнне вытворчасці прывяло да таго, што рознічныя цэны на ікру гарбушы і неркі падвоіліся, а ікра кеты падаражэла на 50%. Галіновыя эксперты адзначаюць, што чырвоная ікра паступова пераходзіць з катэгорыі звычайных прадуктаў харчавання ў катэгорыю прадметаў раскошы або сімвалічных тавараў.
Журналісты «Анлайнера» звярнуліся да пастаўшчыкоў і гандлёвых сетак Беларусі па каментары наконт росту цэн. На момант публікацыі іх адказы яшчэ не былі атрыманыя.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары