І паабяцаў, што з бульбай ужо дакладна гэтым разам ўсё будзе добра.
У інтэрв'ю ў «Галоўным эфіры» старшыня Брэсцкага аблвыканкама Пётр Пархомчык расказаў, як у яго рэгіёне ідуць справы з уборкай ураджаю. Ён сказаў, што з гароднінаю ў аграрыяў няма праблем, аднак ён канстатаваў, што пасля трох хваляў замаразкаў вельмі сур'ёзна пацярпелі сады.
«У 2024 годзе мы атрымалі ўраджай 120 тыс. т яблыкаў, а з улікам умоў надвор'я ў 2025-м плануецца ўраджай у межах 37-40 тыс. т, што ў тры разы менш, чым у 2024-м», — патлумачыў Пётр Пархомчык:
Ён падкрэсліў, што пацярпелі ад гэтага беларускія аграрыі, якія ўклалі пэўны капітал для атрымання добрага выніку, але па незалежных ад іх прычынах атрымаюць вынік меншы.
«Але нават 40 тыс. т хопіць накарміць Беларусь, таму што 85-87 тыс. т экспартавалі. Мы дзесьці не далічымся ў экспартным патэнцыяле, але знойдзем, як кампенсаваць гэтыя страты. У прынцыпе, яблыкі ёсць, і яны будуць у закладцы для паступлення на прылаўкі ў 2026 годзе», — запэўніў Пархомчык.
А вось з бульбай будзе ўсё добра. Як адзначыў кіраўнік вобласці, зыходзячы з вопыту 2024 года, прынялі дадатковыя меры і павялічылі на 1,2 тыс. га пасяўныя плошчы пад бульбу. «Цяпер бульбу прыбіраюць фермерскія гаспадаркі, ураджай добры, таму пытанняў я не бачу, прытым ведаю, што калегі з іншых абласцей таксама павялічылі пасяўныя плошчы пад гародніну, таму краіна павінна быць спакойнай — мы бульбай накормім», — сказаў Пархомчык.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары