«Вольныя Купалаўцы» перапрацавалі базу даносаў у п’есу. Што яшчэ пакажуць у новым сезоне
Алег Гарбуз і Сяргей Чуб расказалі ў «Раніцы з Белсатам», што пакажуць у новым сезоне. Квіткі на верасень і кастрычнік ужо ў продажы.
«Вольныя Купалаўцы» — былыя акторы Купалаўскага тэатру, якія былі вымушаныя пакінуць Беларусь і працягнулі творчасць у эміграцыі — зусім хутка распачнуць новы сезон. Што пакажуць, расказалі рэжысёр Алег Гарбуз і актор Сяргей Чуб у «Раніцы з Белсатам».
Сезон адкрыюць ужо вядомым спектаклем «Гусі-людзі-лебедзі» паводле раману Альгерда Бахарэвіча «Сабакі Еўропы». Як кажа Сяргей Чуб, гэта адзін з найлепшых спектакляў, у якім «вялікая колькасць купалаўцаў на квадратны метр». Паглядзець яго можна будзе 2 і 3 верасня ў Варшаве.
Затым — «Экстрэмісты», якіх пакажуць 20 верасня ў Вільні (прэм’ера спектаклю адбылася ў канцы чэрвеня), «Валізка» 24 верасня ў Варшаве, «Экстрэмісты» 1 і 2 кастрычніка ў Варшаве і «Зэкамерон» 22 кастрычніка ў Варшаве.
Апошні — «Зэкамерон» паводле твору палітвязня Максіма Знака — Сяргей Чуб назваў любімым: яго часцей граюць, паказалі ўжо ў мностве еўрапейскіх гарадоў, на сцэне Чуб і Гарбуз разам з лідарам «J:морс» Уладзімірам Пугачам.
Квіткі на ўсе гэтыя спектаклі можна купіць тут.
У снежні ў Вільні запланаваны фестываль адмыслова для «Купалаўцаў». Алег Гарбуз расказаў, што там пакажуць максімум спектакляў — нават «Дзяды», якіх даўно не гралі і яшчэ не гралі за межамі Любліна.
І ў канцы 2025 года, пачатку 2026-га «Купалаўцы» могуць узяць удзел у фестывалі ў Варшаве, калі знойдуць фінансаванне.
Алег Гарбуз расказаў пра новы спектакль, над якім цяпер працуюць. Павел Латушка дапамог з пошукам сродкаў на гэты твор.
«Не ведаю ў выніку, дзеля чаго мы гэта зрабілі: мы перапрацавалі базу «Кібераў», вось тую з даносамі… І на падставе іх, натхнёная гэтымі даносамі была напісаная п’еса», — расказаў Гарбуз.
Меркавалася, што п’еса будзе саркастычна-іранічнай, але атрымалася, паводле Гарбуза, «больш жыццёвая»: будзе сямейная гісторыя, у якой «усе пакрыху даносяць адно на аднаго». Да п’есы ўжо напісаныя музыка і песні, будуць і танцы. Калі атрымаецца здабыць дафінансаванне, прыблізна ў пачатку 2026 года дадуць прэм’еру. П’еса завецца «Неабыякавыя», а назва спектаклю яшчэ не зацверджаная. Рэжысёрам можа стаць Войцех Урбаньскі — ён жа быў рэжысёрам «Зэкамерону».
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка8
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары