26 верасня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці», піша «Вясна».
Сярод іншых у спіс дадалі блогера Антона Матольку, а таксама шэсць чалавек, якіх асудзілі паводле «народнага» артыкула 342 КК, але вызвалілі ад адказнасці «ў сувязі з выхадам тэрміну прыцягнення».
Антона Матольку 3 чэрвеня завочна прысудзілі да 20 гадоў пазбаўлення волі. Ён абвінавачваўся ў здрадзе дзяржаве, арганізацыі масавых беспарадкаў і групавых дзеянняў, якія груба парушаюць грамадскі парадак, закліках да захопу ўлады, дыкрэдытацыі Беларусі, абразе і паклёпе ў дачыненні да Лукашэнкі, распальванні варожасці і інш.
Цяпер у «спісе экстрэмістаў» 5817 прозвішчаў.
Каментары