Яго выступленне ламае стэрэатып, што паэзія — гэта пра нешта сумнае і залішне сур'ёзнае.
Паэт Віталь Рыжкоў выпраўляецца ў еўрапейскі тур са сваім паэтычным стэндапам «Прэзентацыя».
Вільня (2 кастрычніка), Коўна (4 кастрычніка) і Клайпеда (6 кастрычніка) — гэта першыя гарады, дзе адбудзецца монаспектакль. Далей будуць Беласток, Лімасол і Варшава.
Паэзія і гісторыі «Прэзентацыі» Віталя Рыжкова — стракаты свет пошукаў прыгажосці і справядлівасці ва ўсім тым, што атачае сёння кожнага.
Віталь сфармаваў уласны пазнавальны стыль, а зараз ён абгарнуў яго ў своеасаблівы «паэтычны стэндап».
Гэта не проста чытанне вершаў, а сапраўднае шоу, дзе паэт злучае літаратурную творчасць з элементамі гумару, асабістымі гісторыямі і непасрэдным дыялогам з публікай. Такім чынам ён ламае стэрэатып, што размова пра паэзію — гэта пра нешта сумнае і залішне сур'ёзнае.
Квіткі і рэгістрацыя — па спасылцы. У некаторых гарадах уваход вольны.
За сваю творчасць Віталь Рыжкоў атрымаў шэраг прэстыжных літаратурных узнагарод і лічыцца адным з вядучых галасоў свайго пакалення. Ягоныя вершы ў сваёй творчасці выкарыстоўваюць такія знакамітыя артысты як Зміцер Вайцюшкевіч, Lear, Nizkiz і Dziecuki. Паэт мае ўласны музычны рэп-праект ANGST, удзельнік рэп-гурта Belaroots.
На мапе будучых выступаў Віталя Рыжкова гарады Польшчы, Германіі, Чэхіі, Аўстрыі, Нідэрландаў, Эстоніі, Швецыі, Нарвегіі і Даніі. Сачыць за абнаўленнямі можна тут.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца5
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2020
Каментары