На відэа пра магілёўскага маньяка сілавікі трымаюць яго на доўгіх рамянях. Што гэта і навошта?
Абвінавачанага ў серыі забойстваў дзяўчынак з Магілёва затрымалі на мінулым тыдні. 53‑гадовы Юрый Дзям’янаў хаваўся больш за 25 гадоў і, паводле заяў сілавікоў, здзяйсняў злачынствы на тэрыторыі адразу трох абласцей. На відэа следчага эксперыменту бачна, што затрыманы ў кайданках і звязаны рамянямі, доўгія канцы якіх трымаюць некалькі супрацоўнікаў спецпадраздзяленняў. Што гэта і навошта, «Люстэрка» спытала ў Belpol.
«Гэта проста новыя метады канваіравання чалавека, якога абвінавачваюць у асабліва цяжкіх злачынствах, — расказаў прадстаўнік Belpol Уладзімір Жыгар, які да 2020 года працаваў оперупаўнаважаным крымінальнага вышуку Мазырскага РАУС. — Раней выкарыстоўвалі ланцугі, цяпер — такое».
Жыгар адзначыў, што для канвою асоб, якія здзейснілі асабліва цяжкія злачынствы, звычайна прызначаюць трох чалавек — адпаведна з унутраным загадам.
«Гэта меры бяспекі як для канваіраванага, так і для тых, хто яго суправаджае, — тлумачыць ён. — А рамяні патрэбныя, каб абвінавачаны не нанёс сабе цялесных пашкоджанняў і не напаў на канваіраў. Трэба таксама ўлічваць, што следчыя дзеянні праходзяць на даху, а таму меры засцярогі ўзмацняюцца, бо чалавек можа паспрабаваць здзейсніць суіцыд».
У той жа час, як удакладняе Жыгар, нават у падобных выпадках рамяні або ланцугі выкарыстоўваюць не заўсёды. Напрыклад, у суд такіх абвінавачаных звычайна дастаўляюць толькі ў кайданках.
«Але тут сітуацыя рэзанансная», — адзначае былы сілавік і не выключае, што рамяні для Дзям’янава могуць выкарыстоўваць пастаянна.
Што пагражае магілёўскаму маньяку-ліфцёру? Юрыдычны казус, але максімум за восем трупаў — 15 гадоў калоніі
Выпадковы сведка заспеў маньяка-ліфцёра каля ахвяры. І папрасіў яго пабыць побач з забітай дзяўчынай, пакуль не прыедзе міліцыя
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў
Справа ліфцёра. Сталі вядомыя новыя падрабязнасці справы маньяка з Магілёва
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Як так выйшла, што магілёўскі маньяк-ліфцёр, які забіў восем дзяўчат, спыніўся пасля 1999 года?
У Магілёве злавілі маньяка-ліфцёра, які ў 1990‑я згвалтаваў і забіў восем дзяўчат
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары
На некоторых кадрах было видно, что он закован в конвойные выводных наручники на длинной металлической цепи, а на одной из квартир во время следственного эксперимента с показаниями на месте собровцы были с автоматами на перевес.
Ніхто ж не задаецца з вас пытаннем ці сапраўды вінаваты гэты чалавек у нечым, ці гэта проста чарговая лухта ад МУС, каб пацешыць народ крывёю нявіннага?..
Наша Ніва піша і дапамагае рэжыму выдумаць новыя інфа-повады для кансалідацыі грамадства. І глядзі-ка... Усе вераць, што гэты дзед той самы забойца. Гэта ж вашыя ГУБАЗІКі сказалі.. як жа ім ня верыць?!... :)))
А ёсць і людзі, якія праз дзень не змогуць нічога паслядоўна расказаць і паказаць.
Так што не моцны аргумент.