Абраная ў верасні бургамістрам горада Хердэке ў зямлі Паўночны Рэйн-Вестфалія Ірыс Штальцэр з сацыял-дэмакратычнай партыі знаходзіцца ў крытычным стане.
Паводле інфармацыі нямецкіх СМІ, жанчыну знайшлі ў яе кватэры з некалькімі нажавымі раненнямі.
На 57‑гадовую Ірыс Штальцэр напалі перад домам. Па даных WDR, параненую знайшоў сын. Штальцэр расказала яму, што на яе напалі некалькі мужчын на вуліцы.
Паводле звестак нямецкіх СМІ, Штальцэр знаходзіцца ў крытычным стане. Яна атрымала множныя нажавыя раненні ў жывот і спіну. За жыццё палітыка цяпер змагаюцца дактары.
Пра нападніка ці нападнікаў, а таксама пра іх матывы, пакуль нічога не вядома. Паліцыя праводзіць пошукавую аперацыю.
Ірыс Штальцэр, прадстаўніца Сацыял-дэмакратычнай партыі Германіі, была абраная мэрам Хердэке 28 верасня, набраўшы ў другім туры выбараў 52,8% галасоў.
«Мельнікава не абавязкова агентка КДБ, яна можа быць ахвярай. А Лабееў яе купіў тым, што назваўся адзінокім бацькам з дзецьмі»
«Цярпенне — найлепшая зброя пераможаных». Конрад Адэнаўэр, або Палітыкі якога тыпу патрэбныя пасля дыктатуры
Вацлаў Гавэл таксама адмовіўся выйсці з турмы пры ўмове выезду за мяжу. Але ён быў зусім непадобны да лідараў беларускай апазіцыі
Каментары