Фонд Bypol цяпер знаходзіцца ў ліквідацыі. Гэта вынікае з Нацыянальнага судовага рэестра Польшчы. Ці значыць гэта, што арганізацыя спыняе працу? Пра гэта «Люстэрка» спытала ў яе кіраўніка Аляксандра Азарава.
«Галоўнай мэтай рэгістрацыі фонду ў маі 2021 года было стварэнне юрыдычнай асновы для атрымання фінансавання на рэалізацыю дзейнасці Bypol. Паколькі з 2024 года фонд не атрымлівае фінансавання, было прынята рашэнне аб яго ліквідацыі, — пракаментаваў Аляксандр Азараў. —
Гэта выключна адміністрацыйны крок, які не паўплываў на дзейнасць арганізацыі Bypol. Арганізацыя была створаная за паўгода да рэгістрацыі юрыдычнай асобы, таму нічога не памянялася. Мы працягваем сваю працу, і ў найбліжэйшы час выйдзе наша новае расследаванне. Сачыце за нашымі публікацыямі».
Якім чынам Bypol будзе працаваць без юрыдычнай асобы, Азараў не патлумачыў.
Аб’яднанне Bypol было створана 20 кастрычніка 2020 года, яго кіраўніком стаў Аляксандр Азараў. Але летам 2023 года ў арганізацыі адбыўся раскол. Большасць яе ўдзельнікаў у ліпені 2023 года стварылі новае аб’яднанне — Belpol.
Каментары
Якое ж ганьбішча распладзілі гэтыя дзеячы па замежжах. Так сапсаваць імідж беларуса нават яйцатрас не здолеў!