Былая палітзняволеная, дэпартаваная з Польшчы ў Літву, трапіла ў юрыдычныя абцугі
60‑гадовая былая палітзняволеная Наталля Падлеўская, якую Польшча нядаўна перадала Літве ў рамках Дублінскага рэгламента, сутыкнулася з праблемамі, звязанымі з невыкананнем польскімі памежнікамі некаторых фармальнасцяў, паведаміла ініцыятыва Partyzanka.
У Беларусі ў 2021 годзе Наталлю Падлеўскую пакаралі за «абразу ўладаў» годам турмы і штрафам. Пасля вызвалення ў 2022 годзе яна выехала за межы краіны, атрымаўшы літоўскую гуманітарную візу. На тэрыторыі Літвы Наталля падала дакументы памежнікам і атрымала ад іх адзнаку пра ўезд.
Пасля таго жанчына выехала ў Польшчу, дзе жыве яе сям’я, прытым дачка — нават з польскім грамадзянствам. Але там адмовіліся разглядаць яе просьбу аб міжнароднай абароне, паколькі лічыцца, што справа павінна разглядацца ў першай краіне ЕС, у якой жанчына атрымала візу. І хоць суд у Польшчы пастанавіў, што справу трэба разглядаць менавіта тут, за дзень да суда польскія памежнікі ўжо паспелі выправіць Наталлю Падлеўскую ў Літву.
Цяпер яна не можа вярнуцца ў Польшчу, бо не мае дакументаў, якія давалі б на гэта права. У Літве ж яна паводле закона таксама знаходзіцца нелегальна, і ў звычайных абставінах яе нават маглі б дэпартаваць у Беларусь.
Цяпер праваабаронцы шукаюць магчымасці, каб вярнуць жанчыну ў Польшчу, але заканадаўчых дакладна прапісаных механізмаў для такой сітуацыі пакуль няма.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары
Если у дочери гражданство почему не подались на воссоединение с семьёй?Это вполне можно было сделать!И даже после получения карты по этой причине можно было бы даже подать на МЗ!