Сёлета літоўскія памежнікі перахапілі ўжо 545 шароў з кантрабандай і 50 дронаў з Беларусі
У Службе аховы дзяржаўнай мяжы Літвы пры Міністэрстве ўнутраных спраў у адказ на запыт «Радыё Свабода» расказалі, колькі ўсяго паветраных шароў з кантрабандай ім удалося перахапіць сёлета з беларускага боку.
Толькі за кастрычнік літоўскія памежнікі перахапілі 65 шароў з кантрабандай з Беларусі, а таксама 5 дронаў. З пачатку года гэта — 545 шароў з кантрабандай.
Найбольшую колькасць шароў памежнікі зафіксавалі ў сакавіку — 77.
Адзін дзень — 22 кастрычніка — стаў рэкордным: было перахоплена 13 шароў. У той дзень Літва чарговы раз была вымушаная закрыць аэрапорт і часова мяжу праз шары, што прыляталі з боку Беларусі.
Усяго з пачатку года шарамі і дронамі спрабавалі перавезці кантрабандай 889 тысяч пачкаў цыгарэт, паведамілі ў Службе аховы дзяржаўнай мяжы Літвы.
Адзін паветраны шар звычайна нясе каля 1500 пачкаў цыгарэт.
Для паветраных шароў з Беларусі ў Літву спрыяльны вецер дзьме 51 дзень у год
Мяжа Беларусі і Літвы закрытая на месяц
ЗША далі зразумець Лукашэнку, што чакаюць спынення запуску метэазондаў у Літву
Наўседа пра рэакцыю Лукашэнкі: Хочацца, каб яшчэ мацней прыпякло
«Вар’яцкая афёра». Лукашэнка пракаментаваў закрыццё літоўскай мяжы
У панядзелак увечары ў Літве зноў былі зафіксаваныя паветраныя шары, але Віленскі аэрапорт не закрывалі
Каментары
То бок, гібрыдная атака адбывалася і раней, і пытанняў не было?
Ці нічога незвычайнага ў кастрычніку не адбылося, проста дзмуў занадта моцны паўднёвы вецер і шары ляцелі далека, таму прыйшлося зачыняць аэрапорты, а на гэта трэба было проста неяк адрэагаваць, каб не злаваць сваіх грамадзян?