Чыгуначны маршрут з Віцебска ў Смаленск без перасадак запусцяць у снежні
Па словах губернатара Смаленскай вобласці Васіля Анохіна, прамы бесперасадачны цягнік з Віцебска да Смаленска плануюць запусціць у снежні, піша Blizko.by.
Па словах расійскага чыноўніка, раней паміж Віцебскам і Смаленскам ужо курсавалі цягнікі, але з перасадкамі, што стварала нязручнасці для пасажыраў. Цяпер жа частку выдаткаў кампенсуюць з бюджэту «Саюзнай дзяржавы», што дазволіць арганізаваць прамыя дызель-цягнікі Віцебск — Смаленск.
Пуск новага маршруту плануецца ў снежні — студзені, калі тэхнічная падрыхтоўка да гэтага завершыцца паспяхова.
Як адзначыў Анохін, аналіз паказаў, што больш людзей ездзіць са Смаленска ў Віцебск, чым наадварот. Асноўныя прычыны — пакупкі беларускіх тавараў, аздараўленне і медыцынскія паслугі.
Нагадаем, што чыгуначны рух паміж Смаленскам і Віцебскам, а таксама паміж Смаленскам і Оршай, быў адноўлены яшчэ ў жніўні 2024 года, але толькі з перасадкамі (Віцебск — Завольша — Смаленск, Орша — Асінаўка — Смаленск).
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам25
Каментары