Блукаючы па лесе ў зямлі Райнланд-Пфальц 11 лістапада, мясцовы егер сфатаграфаваў загадкавую жывёлу, якую прыняў за буйнога драпежнага ката.
Бургамістр Альтэнара заклікаў жыхароў захоўваць спакой. «Мы вельмі сур’ёзна ставімся да паведамлення егера. Няма прычын для панікі», — сказаў Дамінік Гілер.
Жыхароў папярэдзілі пра меры перасцярогі ў лесе. Пра таямнічую жывёлу ў лясах Германіі напісалі многія нямецкія СМІ, піша тэлеграм-канал «Што там у немцаў».
13 лістапада Гілер распавёў, што заўважаная жывёла вялікіх памераў — гэта, магчыма, хатні кот пароды мэйн-кун.
Хутчэй за ўсё, ён уцёк ад гаспадароў каля месяца таму пры пераездзе з Гановера ў Саар, а цяпер спрабуе дабрацца назад дадому. Дзякуючы публікацыям у СМІ ўладальніца зніклага ката выйшла на сувязь.
І ўсё ж пакуль дакладна невядома, з’яўляецца ці не гэты мэйн-кун тым самым загадкавым зверым, якога ўбачыў егер у лесе каля абшчыны Альтэнар.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары