Арыштавалі вядомага рэканструктара з Магілёва. Ён не выйшаў на волю пасля «сутак»
Праваабаронцам з Mayday team стала вядома, што кіраўнік рыцарскага клуба «Барысфен», рэканструктар Павел Станкевіч не выйшаў на волю пасля таго, як быў затрыманы 3 лістапада і атрымаў 15 сутак арышту.
Прычыны затрымання і завядзення адміністрацыйнай справы праваабаронцам невядомыя. Прыкладна ў тыя ж даты былі затрыманыя яшчэ два чалавекі, якія маюць дачыненне да клуба «Барысфен», аднак па іх ніякіх падрабязнасцяў няма.
4 лістапада стала вядома, што асабістыя акаўнты Паўла Станкевіча і старонкі яго праектаў «Рыцарскі клуб «Барысфен», «Сярэднявечны шоу-ТЭАТР «Барысфен» і «Падарожжа ў Сярэднявечча — Тур выхаднога дня» ў сацыяльных сетках былі ўнесеныя ў «спіс экстрэмісцкіх матэрыялаў».
Народны калектыў рыцарскай сярэднявечнай культуры «Барысфен» быў створаны ў 1998 годзе і неаднаразова даваў прадстаўленні на гарадскіх мерапрыемствах у Магілёве і іншых гарадах. Асноўныя напрамкі клуба — вывучэнне гісторыі беларускага Сярэднявечча, культуры, побыту, рэканструкцыя адзення, даспехаў, дэманстрацыя элементаў сярэднявечнай харэаграфіі і пастаноўка турніраў.
«Экстрэмісцкай» прызналі старонку вядомага рэканструктара Паўла Станкевіча, а таксама ягоныя праекты
Праваабаронцы: Ёсць 124 прозвішчы затрыманых па справе Гаюна
Вызвалілі палітзняволеную маці чатырох дзяцей. Яе мужу прысудзілі 24 гады калоніі
Гродзенскаму бізнэсмену, медыку па адукацыі, прысудзілі рэальны тэрмін за палітыку
Выйшаў на свабоду палітвязень Міхаіл Сталярчук
Цяпер чытаюць
«Лічу, што гэта мая місія». Беларускамоўны Павел з ДЦП выклікаў хвалю захаплення, зайздрасці і любові3
Каментары