Меркаванні4343

«Пяты год жыву ў Польшчы, і ні разу не сутыкнуўся са «спердаляй» — штодня я тут бачу іншае»

На рэзанансны артыкул «Нашай Нівы» «Не хачу чуць «спердаляй да Украіны» толькі таму, што размаўляю з бацькамі па тэлефоне на рускай». Беларусы дзеляцца, чаму вяртаюцца з Польшчы» адрэагаваў у фэйсбуку Аляксандр Чыгір. Ён расказвае пра свой досвед жыцця ў Польшчы.

Ужо пяты год жыву ў Польшчы — і ні разу не сутыкнуўся ні са «спердаляй», ні з якой-небудзь формай ксенафобіі. Не выключаю, што такія выпадкі здараюцца, але ў маім асабістым досведзе не было нават намёку.

Палякі, з якімі мне давялося мець справу, — людзі, максімальна адкрытыя свету і з павагай ставяцца да прадстаўнікоў іншых нацыянальнасцяў. Толькі добрае магу сказаць і пра інспектараў з MOРSa, і пра паліцэйскіх, і пра лекараў, медсясцёр…

Мая суседка ўжо не адзін год цалкам бескарысліва дапамагае маёй сям’і — і такіх людзей тут пераважная большасць.

Я знаходжуся ў групе свайго раёна ў Facebook — некалькі дзён таму там з’явілася паведамленне з намёкам на тое, што ўкраінцам «варта было б застацца ў сябе ў краіне, бо баявыя дзеянні вядуцца не ўсюды».

З дзесяці каментарыяў — дзесяць асудзілі такую пазіцыю, частка карыстальнікаў адзначыла, што аўтар дзейнічае ў інтарэсах Пуціна ў Польшчы. Гэта вельмі паказальны маркер грамадскіх настрояў.

Вядома, існуюць складаныя тэмы — ад Валыні да выпадкаў асацыяльных паводзін асобных мігрантаў, як украінцаў, так і беларусаў. Ёсць цяжкасці камунікацыі, як і ў любой шматнацыянальнай прасторы. Але гэтыя праблемы нават блізка не параўнальныя з «яўрэйскім пытаннем» у СССР ці з тым стаўленнем, якое часта дэманструе глыбінны беларускі соцыум да замежнікаў і суседніх народаў.

Нагнятанне тэмы міжнацыянальнай варожасці ў форме «спердаляй» — не выпадковасць, а частка гібрыднай атакі. Мэта — убіць клін паміж людзьмі, стварыць недавер, распаліць канфлікты там, дзе іх няма. Гэта тэхналогія, а не рэальнасць паўсядзённага жыцця.

Судзячы па маёй стужцы ў Facebook, падобныя наратывы прасоўваюць адны і тыя ж людзі. Не ведаю, што імі рухае — уласная дурнота, пыха ці патрабаванне працадаўцы…

Тут, у Польшчы, я штодня бачу іншае: узаемную павагу, гатоўнасць дапамагчы і здольнасць да салідарнасці — якасці, якія, спадзяюся, ніякая прапаганда не зможа падарваць.

Каментары43

  • Indrid Cold
    04.12.2025
    Боты няўмела накінулі, але праваліліся на тым што людзі гэта чытаюць з Польшчы і ведаюць як насамрэч выглядаюць справы.
    Польшча - найлепшая краіна для эміграцыі з Беларусі. Калі вы не маскаль у душы канешне ;)
  • Болег
    04.12.2025
    Я таксама асабіста не сутыкаўся, але што з таго? Відавочна, што "спердаляй"-аргументацыя існуе ў польскім дыскурсе, гэта бачна, гэта заўважна, няма сэнсу гэта адмаўляць.

    Добрых, прыстойных палякаў шмат, можна жыць у іх атачэнні і не мець праблем. Але ёсць і іншыя, і трэба быць пільным. Я ўжо не кажу пра прыхаваныя настроі.
  • Ахахахаха
    04.12.2025
    Аўтар, ты спрабаваў ездзіць па польскіх дарогах? Вось дзе ўзаемапавага)) А сабачае лайно палякі не прыбіраюць пасля сваіх гадаванцаў таксама праз лютую ўзаемапавагу.

Цяпер чытаюць

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Усе навіны →
Усе навіны

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой4

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

больш чытаных навін
больш лайканых навін

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць