Клуб Нацыянальнай хакейнай лігі «Бостан Бруінз» забраў 24‑гадовага абаронцу зборнай Беларусі Уладзіслава Калячонка з драфту адмоў, куды раней яго выставіў «Далас Старз», піша «Беларускі хакей».
Калячонак перайшоў у «Бостан» без якой-небудзь кампенсацыі. У выпадку адсутнасці заявак ён мусіў адправіцца ў фарм-клуб «Даласа».
У гэтым сезоне НХЛ 23‑гадовы абаронца правёў 11 матчаў за «Старз», набраў 3 (1+2) балы і завяршыў адрэзак з паказчыкам карыснасці «+3».
Усяго ў НХЛ Уладзіслаў Калячонак згуляў 85 матчаў, выступаючы за «Арызону», «Юту», «Пітсбург» і «Далас». У яго актыве 17 (5+12) балаў.
Кантракт беларускага абаронцы разлічаны да канца сезона з заробкам $775 000.
На дадзены момант у «Бостана» ў лазарэце знаходзяцца адразу чатыры абаронцы, што паўплывала на рашэнне клуба ўзмацніць лінію абароны за кошт драфта адмоў.
«Бостан» з 38 баламі ў 33 матчах займае восьмае месца ва Усходняй канферэнцыі НХЛ.
У гэтым сезоне ў НХЛ гуляе, апроч Калячонка, яшчэ трое беларусаў: Аляксей Протас («Вашынгтон»), Ягор Шаранговіч («Калгары»), Арцём Леўшуноў («Чыкага»). Ілля Салаўёў («Каларада») і Мікіта Талапіла («Ванкувер») былі адпраўленыя сваімі клубамі ў АХЛ.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя10
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары