У сераду Apple абнавіла лінейку камп’ютараў Mac. Галоўнай навінкай стаў першы ў гісторыі кампаніі ноўтбук з сэнсарным дысплеем, хоць раней брэнд цалкам адмаўляўся ад тач-скрынаў на ПК. Office Life сабраў самае цікавае пра прэзентацыю.
Сэнсарны MacBook Pro і экраны Tandem OLED
Функцыю сэнсарнага кіравання атрымаў флагманскі MacBook Pro з дысплеем Proled XDR. Датчыкі тачскрына ўбудаваны прама ў панэль дысплея, а не накладзены зверху, што знізіла затрымку. Інтэрфэйс macOS 27 аўтаматычна пераўтворыць дотыкі ў клікі, таму стары софт працуе без абнаўленняў.
Экран ноўтбука выкананы па тэхналогіі Tandem OLED (два слаі пікселяў). Ён выдае да 2000 ніт яркасці і падтрымлівае каляровыя прасторы P3 і Adobe RGB.
За кошт тонкай OLED-матрыцы ноўтбукі на 14 і 16 цаляў сталі лягчэйшымі (1,36 кг і 1,81 кг). Батарэі хопіць на 24 гадзіны працы. Навінкі атрымалі парты Thunderbolt 5, а максімальны аб'ём памяці цяпер можна нарасціць да 16 ТБ.
Старэйшыя сэнсарныя ноўтбукі працуюць на працэсарах M5 Pro і M5 Max. Пры гэтым за дзень да іх Apple паказала базавы 14‑цалёвы MacBook Pro і манаблок iMac — але ўжо на чыпе наступнага пакалення M6.
Колькі каштуюць навінкі і што з чыпамі?
Кошты ў ЗША:
- 14‑цалёвы MacBook Pro (M5 Pro) — ад $2899;
- 16‑цалёвы MacBook Pro (M5 Pro) — ад $3399;
- MacBook Pro на чыпе M5 Max — ад $4499;
- Базавы MacBook Pro на чыпе M6 — ад $1999;
- Абноўлены iMac на чыпе M6 — ад $1499.
Такі ўпор на дарагія версіі з велізарнымі назапашвальнікамі (да 16 ТБ) зразумелы. У кастрычніку пісалася, што Apple зрэзала заказы на кампаненты для iPhone 18 Pro з-за дэфіцыту і росту цэн на памяць, якую масава скупляюць распрацоўшчыкі ШІ. Відаць, цяпер кампанія накіравала паўправаднікі на больш маржынальныя і дарагія камп'ютары.
Сам жа тачскрын на ПК укаранілі пад запуск платнага пакета Apple Creator Studio (падпіска абыдзецца ў $12.99 у месяц). У музычным софце Logic Pro цяпер можна граць на Multi-Touch клавіятуры прама на экране, а ў Final Cut Pro — мантаваць відэа жэстамі. На мінулым тыдні расказвалася, што Apple набыла ШІ-рэдактар музыкі Samplab. Цяпер зразумела, што яго тэхналогіі бралі якраз пад новыя сэнсарныя фішкі Logic Pro.
Калі чакаць у крамах?
Сусветныя перадзаказы ўжо адкрыты, а продажы ў ЗША пачнуцца ў пятніцу, 6 лістапада.
У Беларусі афіцыйныя продажы звычайна стартуюць з затрымкай у 3−4 тыдні. Як паказаў нядаўні запуск iPhone 18 Pro у Мінску, навінкі даедуць да канца лістапада ці пачатку снежня.
-
Стары касмічны тэлескоп NASA вось-вось упадзе на Зямлю — ён важыць паўтары тоны
-
Пентагон паказаў здымак сакрэтнага кітайскага касмаплана. Ён падобны да амерыканскага Х-37
-
Махлярам больш не патрэбны ваш пароль. Яны могуць скрасці «лічбавы ключ» і атрымаць доступ да акаўнта нават пры двухфактарнай абароне
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары