Міжнародная крыптабіржа KuCoin абвясціла аб неадкладным спыненні абслугоўвання карыстальнікаў з Беларусі і Расіі. У кампаніі патлумачылі рашэнне патрабаваннямі заканадаўства і рэгулятараў.
Абмежаванні распаўсюджваюцца на ўсе прадукты, паслугі і функцыі платформы. Пры гэтым біржа заявіла, што мае намер арганізаваць упарадкаванае завяршэнне абслугоўвання, каб карыстальнікі маглі закрыць свае пазіцыі і вывесці актывы.
Карыстальнікам, якіх закрануць змены, павінны даслаць паведамленні з адпаведнымі інструкцыямі. Калі такое паведамленне не прыйшло, KuCoin рэкамендуе пакуль устрымацца ад якіх-небудзь дзеянняў.
Паводле інфармацыю партала CoinMarketCap, KuCoin уваходзіць у першую дзясятку крыптабіржаў свету паводле аб’ёму таргоў.
Раней у кастрычніку аб спыненні абслугоўвання карыстальнікаў з Беларусі і Расіі таксама паведамілі некалькі іншых буйных міжнародных крыптабіржаў, у тым ліку MEXC, Bitget і HTX.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары