Былыя палітвязні Віктар Бабарыка і Марыя Калеснікава ўчора прыехалі ў Берлін і збіраюцца правесці там у аўторак, 23 снежня, прэс-канферэнцыю для СМІ. Пра гэта гаворыцца ў разасланым запрашэнні для журналістаў.
«У аўторак, 23 снежня ў 11:00 пройдзе прэс-канферэнцыя Віктара Бабарыкі і Марыі Калеснікавай у Берліне», — паведаміла прэс-служба каманды Бабарыкі.
Арганізатары прэс-канферэнцыі абяцаюць анлайн-трансляцыю, але пакуль не гарантуюць, што беларускія журналісты, якія не могуць прыехаць у Берлін, зададуць свае пытанні.
Учора Віктар Бабарыка і Марыя Калеснікава прыбылі ў Берлін. Іх сустракаў міністр замежных спраў Германіі Ёхан Вадэфуль. Фатаграфіямі сустрэчы падзялілася прэс-служба МЗС Германіі.
Віктара Бабарыку і Марыю Калеснікаву вызвалілі ў мінулую суботу: 13 снежня ў ліку 123 палітвязняў іх вывезлі ва Украіну, у нядзелю яны далі ў Чарнігаве прэс-канферэнцыю.
Пра што маўчыць Аляксей Францкевіч, якому Польшча закрыла ўезд на 10 гадоў67
Каментары
Мой прагноз - нічога не зменіцца, нават калі сына выпусцяць, бо Бабарыка шчыры русафіл, ён быў такім і ў 2020г і раней. Для яго як і лукі - масква сталіцы радзімы. Чакаю калабаў з харошымі рускімі з найбліжэйшым часе.
Адзінае што яны могуць троху змяніць рыторыку, каб атрымаць гранты, але гэта будзе не шчырая пазыцыя