Маці Максіма Грыгаровіча шукае тых, хто яго бачыў апошні раз.
Максім Грыгаровіч нарадзіўся ў 2000 годзе ў Баранавічах. Пра раннія годы сказаць, уласна, няма чаго — зусім мала пажыў і нічым асабліва не адзначыўся, апроч вельмі ранняй судзімасці — будучы п'яным, ашукаў таксіста.
Дакладна зразумець, што адбылося, складана, таму вось проста арыгінал на пратакольнай мове з базы Belpol: «Грыгаровіч М.С. 22.09.2018 каля 05:13, у стане алкагольнага ап'янення, каля крамы «Дамашні» […] маючы намер завалодаць тэлефонам Х., пакінутым апошнім у таксі, увёў у зман кіроўцу таксі і пераканаў яго ў тым, што тэлефон належыць яму асабіста. Шляхам падману завалодаў тэлефонам «XIAOMI REEDMI 5A DARK GREY» коштам 200 рублёў».
Далейшы лёс у хлопца таксама не склаўся — ён стаў шукаць самарэалізацыі не там і не так. Паехаў ваяваць за Пуціна і штурмаваць украінскія пазіцыі на Ліманскім кірунку ў складзе сумнавядомай в/ч 12271.
Рашэнне хлопец прыняў напачатку 2026 года, прайшоў вучэбку і знік без звестак.
Цяпер па ім у Баранавічах бядуе яго маці Святлана, публікуючы фатаграфіі сына ў вайсковай форме на сваёй старонцы ў Аднакласніках у надзеі, што нехта з яе беларускіх сяброў зможа дапамагчы адшукаць сына ва ўкраінскім стэпе.
Каментары