У аўторак падаў у адстаўку ўрад на чале з Інгай Ругінене. Пра гэта на ранішнім пасяджэнні ў аўторак заявіў старшыня Сацыял-дэмакратычнай партыі Літвы Міндаўгас Сінкявічус, паведамляе LRT.
У аўторак раніцай кабінет міністраў сабраўся на пасяджэнне, на якім было прынята рашэнне аб адстаўцы.
«Я сапраўды рада камандзе, якая тут, зараз сядзіць за сталом. Нягледзячы на ўсе цяжкасці, нам сапраўды ёсць чым ганарыцца. Кожны з вас унёс вялікі ўклад у дабрабыт нашай дзяржавы і паляпшэнне жыцця людзей», — сказала І. Ругінене.
І. Ругінене падзякавала ўсяму кабінету міністраў: «Шчыра дзякую».
У мінулым годзе пасля адстаўкі тагачаснага прэм’ер-міністра Гінтаўтаса Палуцкаса таксама павінен быў скласці паўнамоцтвы ўвесь кабінет міністраў.
Ругінене ўзначальвала ўрад з верасня мінулага года. Яна вернецца на пасаду міністра сацыяльнай абароны і працы.
У гісторыі Літвы пачынаючы з 1990 года, Ругінене была чацвертай жанчынай прэм'ерам у краіне следам за Казімірай Прунскене, Ірэнай Дэгуцене і Інгрыдай Шыманіце.
-
Дэпутата Еўрапарламента, які расследаваў злоўжыванні Pegasus, самога ўзламалі гэтай шпіёнскай праграмай
-
Расіянку, якая зрабіла ў бары «кальян на кулічы», усё ж не будуць адпраўляць у калонію
-
Ватыкан адлучыў ад царквы Брацтва святога Пія X. Раскольнікі маюць капліцу ў Мінску, дзе ўсё па-руску — што цяпер чакае гэтых вернікаў
Каментары