У цэнтры Вільні зноў з'явіўся надпіс «Вільня наша» па-беларуску
Надпіс такі ж, як і ранейшыя правакацыйныя надпісы — падобныя і фарба, і асаблівасці напісання. Беларусы так літараў не пішуць.
Здымак свежага надпісу на будынку ў цэнтры Вільні па адрасе Бокшта, 4 быў апублікаваны ў адным з чатаў.
Манера напісання мае тыя ж асаблівасці, што і раней: літары «ш» і «л» напісаныя так, як пішуць іх людзі, якія карыстаюцца лацініцай і не ведаюць кірыліцы.
У мінулыя гады на розных будынках у цэнтры Вільні і на ўездзе ў горад з’яўляліся падобныя надпісы.
Хутчэй за ўсё, надпіс зроблены на замову беларусафобаў, якія распальваюць нянавісць у мясцовых да беларусаў. Папярэднія звароты ў паліцыю з гэтай нагоды ніякага плёну не прынеслі, ніхто праз гэтыя надпісы не быў затрыманы. Раней «Наша Ніва» пісала, як замаўляюць такія графіці («падпрацоўка 2‑3 гадзіны, 50 еўра») і як у Вільні шукаюць людзей, гатовых за грошы шпіёніць за літоўскімі спецслужбамі і здымаць акцыі беларусаў.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі37
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары