Дачка Умара Джабраілава не верыць у самазабойства бацькі. Яна звязвае яго смерць са справай Эпштэйна
«Яго прымусілі замаўчаць».
Дачка Умара Джабраілава заявіла, што яе бацька не скончыў жыццё самагубствам. Паводле слоў Альвіны, яго «прымусілі замаўчаць праз датычнасць да справы Эпштэйна і Трампа», піша Mash.
Джабраілаў быў адным з самых аўтарытэтных чачэнцаў у расійскім грамадскім жыцці.
У 2000 годзе ён нават балатаваўся ў прэзідэнты Расіі. У розны час у яго былі раманы з Наомі Кэмпбел і Ксеніяй Сабчак, ён згадваўся ў спісах Эпштэйна.
Экс-сенатар перапісваўся з памочніцай фінансіста Гіслейн Максвел і абмяркоўваў сустрэчы з ёй. У злітых файлах знайшлі фота Джабраілава — на ім бізнэсмен займаўся каратэ. Сам Джабраілаў заяўляў, што не памятае, дзе і калі яно зроблена.
Былога сенатара ў цяжкім стане знайшлі ўначы ў Маскве, у апартаментах на Цвярской, побач быў пісталет Luger.
Ён не пакінуў перадсмяротнай запіскі, перш чым скончыць жыццё самагубствам.
Джабраілаву было 68 гадоў. Ён быў членам «Адзінай Расіі» да 2017 года. 5 снежня 2017 года Джабраілаў быў выключаны з партыі «ў адпаведнасці з пунктам статута партыі за дзеянні, якія дыскрэдытуюць партыю і наносяць шкоду яе палітычным інтарэсам». У чэрвені 2017 года яго затрымалі за хуліганства. У жніўні 2017 года ў сваім нумары адкрыў агонь з узнагароднага пісталета. У 2020 годзе ў яго ўжо была спроба самагубства.
Папярэдне, яго пахаваюць заўтра ў Чачні.
Альвіна Джабраілава — мастачка, яна жыве ў Манака і займаецца творчасцю.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў49
Каментары