У адзіную беларускамоўную групу садка ў Беластоку запісаліся толькі шэсць дзяцей
У Беластоку падвялі папярэднія вынікі рэкрутацыі ў гарадскія дзіцячыя садкі.
Для садка Przedszkole Samorządowe №14 вынікі набору аказаліся значна ніжэйшыя, чым чакалася, паведамляе Радыё Рацыя.
Пакуль у беларускамоўную групу запісаліся толькі шэсць дзяцей. Дырэктарка садка Ганна Смык-Койла кажа, што сітуацыя выклікае вялікую трывогу, бо ад колькасці дзяцей залежыць будучыня ўсёй установы:
— На першым этапе набору ўдалося прыняць 19 асоб. Гэта невялікая група, але магчыма яна будзе дадавацца. На момант набору мы мелі 52 месцы, у беларускую групу запісалася толькі 6 асоб рознага ўзросту з тых 19-ці. Горад не прыме рашэння аб ліквідацыі з-за недастатковага набору дзяцей, але ўсё можа быць.
Садок Przedszkole Samorządowe №14 (Садок муніцыпальны) — адзіны муніцыпальны садок у Беластоку, дзе дзейнічаюць групы з беларускай мовай навучання. Менавіта таму, па словах дырэктаркі, вынікі сёлетняй рэкрутацыі могуць стаць вызначальнымі для яго далейшага лёсу.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары
Адказ на сваё пытанне і самі можаце даць. Як варыянты - беларуская мова грошай не прынясе, не мова ўлады, не вартая павагі (калгасная), не распаўсюджаная ў вашым асяроддзі, не мова вашай рэлегійнай канфесіі - няма ў ёй сэнсу для такіх як вы.