У Дзень Волі ў Кіеве адбудзецца рэгіянальны форум бяспекі «Шлях да Свабоды». Мерапрыемства арганізуюць Аб'яднаны пераходны кабінет Беларусі, аналітычны цэнтр «Украінская прызма» і Міжнародны фонд «Адраджэнне», паведамляе прэс-служба АПК.
Форум будзе прысвечаны ключавым аспектам беларускай вызваленчай барацьбы, пагрозам з боку рэжыму Лукашэнкі, а таксама пытанням супрацоўніцтва беларускіх дэмакратычных сіл з Украінай і еўрапейскімі партнёрамі. Да ўдзелу запрошаны ўкраінскія і заходнія эксперты, беларускія дэмакратычныя дзеячы і добраахвотнікі.
Сярод ключавых тэм абмеркавання — Беларусь як фактар рэгіянальнай бяспекі і сцэнарыі развіцця сітуацыі да 2027 года, новая мадэль украінска-беларускіх адносін у перыяд вайны, перспектывы беларускага добраахвотніцкага руху, а таксама пытанне стварэння рэгіянальнага фармату «беларускага Рамштайна».
Раней паведамлялася, што, магчыма, Святлана Ціханоўская 25 сакавіка будзе ў Кіеве.
Як стала вядома, візіт Святланы Ціханоўскай у Кіеў можа адбыцца ў канцы сакавіка. Разам з Ціханоўскай у Кіеў таксама збіраецца паехаць яе намеснік Аб'яднанага пераходнага кабінета Беларусі Павел Латушка.
Наведванне Святланай Ціханоўскай Кіева стала магчымым пасля таго, як на сустрэчы 25 студзеня ў Вільні яе асабіста запрасіў прэзідэнт Украіны Уладзімір Зяленскі.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары