З эфіру АНТ выразалі словы Лукашэнкі пра тое, што вызваленыя палітвязні змогуць застацца ў Беларусі
Падчас паездкі ў Дрыбінскі раён Аляксандр Лукашэнка пракаментаваў тэму вызвалення палітвязняў і перамовы з ЗША. Але яго словы па-рознаму падалі дзяржаўныя рэсурсы.
Як вядома, учора Лукашэка інспектаваў гаспадаркі Дрыбінскага раёна Магілёўскай вобласці. У размове з журналістамі ён пракаментаваў перамовы з ЗША наконт вызвалення зняволеных.
У арыгінальнай версіі, якую апублікаваў тэлеграм-канал «Пул Першага», гучыць:
«Закон для ўсіх адзіны. Парушыў закон — ідзі. Вось такая шчырая размова. Хочуць застацца [у Беларусі] — калі ласка. Але ў межах наяўнага прававога поля. Тыя, хто нам не патрэбны, ці будуць сядзець, ці вы ў Амерыку іх забераце. Зусім шчыра кажу».
У адпаведным матэрыяле дзяржаўнага агенцтва БелТА, чытаем:
«Ён падкрэсліў, што з Беларусі такі людзей не выганяюць, але яны павінны выконваць закон. (…) «Хочуць застацца — калі ласка. Але ў межах наяўнага прававога поля».
А вось гледачы праграмы «Нашы навіны» на АНТ у пятніцу ўбачылі зусім іншую карцінку. Словы пра тое, што вызваленыя людзі могуць застацца ў Беларусі, проста выкінулі. Замест гэтага ў эфір пайшла толькі жорсткая частка спіча:
«Тыя, хто нам не патрэбны, ці будуць сядзець, ці вы ў Амерыку іх забераце. Зусім шчыра кажу. Я не хачу, каб яны зноўку бегалі, кідалі каменні ці яшчэ нешта ў іх. Я не хачу. Я павінен забяспечыць сваю бяспеку, свайго народа і сваёй дзяржавы».
Варыянт «не хапіла часу» адпадае адразу. Як вядома, сюжэты пра Лукашэнку на дзяржТБ могуць ісці і па 40 хвілін. На працяглыя развагі дыктатара звычайна знаходзіцца час. Значыць, гэты мантаж зроблены знарок.
Адметна, што ў навінах на «Беларусь 1» гэтыя словы Лукашэнкі вырашылі не цэнзураваць.
Цяпер чытаюць
Міліцыя затрымала таго самага расійскага турыста, які кінуў недакурак на вуліцы. Заўтра суд27
Каментары
Ў гітлераўскім рэйху так сама былі "законы", што не выратавала гітлераўскіх суддзяў і карнікаў ад кары за іх злачынствы супраць чалавецтва.