Захоп закладніка і катаванні: у Закапанэ будуць судзіць беларуса за выкраданне чалавека
Пракуратура горада Закапанэ накіравала ў суд крымінальную справу ў дачыненні да беларуса і паляка, якіх абвінавачваюць у выкраданні і жорсткім катаванні 24‑гадовага хлопца. Паводле следства, у верасні 2025 года злачынцы выкралі яго і жорстка здзекаваліся, спрабуючы атрымаць грошы.
Паводле польскай пракуратуры, пацярпелага трымалі ў падвале аднаго з будынкаў у Закапанэ, дзе яго збівалі, затыкалі рот кляпам і прыкоўвалі кайданкамі да труб ацяплення. Пазней выкрадальнікі пачалі вазіць сваю ахвяру па розных гарадах Польшчы, у тым ліку ў Гданьск і Гдыню. Яны патрабавалі ад сям'і хлопца выкуп.
Выратавацца маладзёну ўдалося толькі дзякуючы выпадку: скарыстаўшыся няўважлівасцю злачынцаў, ён змог адправіць маці паведамленне, пасля чаго жанчына звярнулася ў паліцыю.
Падчас затрымання ў аўтамабілі падазраваных — 36‑гадовага беларуса Аляксея Т. і 30‑гадовага паляка Адрыяна С. — праваахоўнікі знайшлі цэлы набор: агнястрэльную зброю, наркотыкі, пластыкавыя сцяжкі, якімі звязвалі рукі ахвяры.
Акрамя асноўнага абвінавачвання ў захопе закладніка, беларусу інкрымінуюць незаконнае валоданне зброяй, а яго саўдзельніку — захоўванне псіхатропных рэчываў.
Зараз абодва абвінавачаныя знаходзяцца пад вартай. Згодна з польскім заканадаўствам, за захоп закладніка, звязаны з асаблівымі пакутамі, ім пагражае суровае пакаранне — ад 5 да 25 гадоў пазбаўлення волі.
Арыштаваны 75‑гадовы Зміцер Санько — ветэран-выдавец3
Каментары
> не ‘ў Закапанэ’, а ‘ў Закапаным’
А вось гэта цікава. Бо нават самі палякі гавораць "w Zakopanem", а не "w Zakopane".