Такіх цэн на другасным рынку ў Мінску цяпер проста няма. Самыя недарагія аднапакаёўкі будуць каштаваць у 2—2,5 раза даражэй, піша Realt.by.
Кватэра размешчаная на першым паверсе дзевяціпавярховага панэльнага дома 1977 года пабудовы па адрасе: вуліца Убарэвіча, 148/2. Гэта непадалёк ад МКАД.
Менавіта тут цяпер прадаецца кватэра-студыя. Жыллё максімальна кампактнае. Яго плошча складае ўсяго 11,8 квадрата. На гэтай плошчы ўладальнік размясціў крэсла-ложак, міні-кухню, пралку, убудаваную шафу, а таксама асобны санвузел з душавой.
У кватэры зроблены рамонт — тут заменены камунікацыі, праведзена электраправодка і вентыляцыя, устаноўлены ўнутраныя перагародкі. Жыллё знаходзіцца на высокім першым паверсе, уваход у студыю — з пад’езда.
Чаму ж кватэру прадаюць па даволі нізкай цане? Ці толькі з-за невялікай плошчы? Рэч у тым, што студыя знаходзіцца ў нежылым фондзе. У аб’яве адзначаецца, што памяшканне (фактычна — бізнэс-апартаменты) можна выкарыстоўваць для ўласнага пражывання, здачы ў арэнду або для працы.
Дарэчы, зараз студыя ўжо здаецца ў арэнду за 230 даляраў за месяц. Удакладняецца, што камунальныя плацяжы ўзімку не перавышаюць 100 рублёў з улікам ацяплення і электрычнасці.
Кошт гэтай кватэры — 90 тысяч рублёў, або 33 тысячы даляраў. Пры гэтым квадратны метр выходзіць не такім ужо і танным — 7692 рублі, або $2797.
Адзначым, што такія памяшканні можна перавесці з нежылога фонду ў жылы. Падобныя паслугі аказваюць некаторыя агенцтвы нерухомасці.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі3
«Паездкай мы задаволеныя, але сівых валасоў дадалося». Жыхарка Светлагорска адпачнула ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары