14 чалавек ушанавалі ўзнагародамі Аб'яднанага пераходнага кабінета
Аб'яднаны пераходны кабінет Беларусі прыняў рашэнне пра новае ўзнагароджванне Крыжом Свабоды, медалямі Францыска Скарыны, «Гонар і Годнасць» і «За плённую працу на карысць Беларусі», «Няскораных» (Ларысы Геніюш), паведаміла прэс-служба АПКБ.
Крыжом Свабоды ўзнагародзілі беларускага грамадскага дзеяча, праваабаронцу, вязня сумлення, лаўрэата Нобелеўскай прэміі міру Алеся Бяляцкага.
Медалём Францыска Скарыны — беларускага навукоўца, грамадскага і палітычнага дзеяча, канцлера «Вольнага Беларускага Ўніверсітэта» Аляксандра Мілінкевіча.
Медалём «Гонар і Годнасць» — грамадскага актывіста, вайскоўца, дзяржаўнага дзеяча Сяргея Багукальца.
Медалём «Няскораных» (Ларысы Геніюш) за асабістую адвагу, стойкасць — былую палітзняволеную Марыю Калеснікаву.
Медалём «За плённую працу на карысць Беларусі»:
- украінскага дыпламата, Надзвычайнага і Паўнамоцнага пасла Першага класа, Надзвычайнага і Паўнамоцнага Пасла Украіны ў Беларусі Ігара Кізіма;
- украінскага палітолага, гісторыка, журналіста, дырэктара Інстытута сусветнай палітыкі Яўгена Магду;
- украінскага царкоўнага гісторыка, дырэктара Інстытута гісторыі Царквы Украінскага каталіцкага ўніверсітэта, віцэ-рэктара па стратэгічным супрацоўніцтве УКУ, загадчыка кафедры гісторыі Царквы Алега Турыя;
- беларускую пісьменніцу, журналістку Святлану Курс;
- вайсковага капелана ПЦУ, настаяцеля гарнізоннага храма святога мучаніка Іаана, мітрафорнага протаіерэя Яўгена Орду;
- беларускую і брытанскую біблістку, доктарку біблістыкі, дзяячку беларускай дыяспары ў Вялікабрытаніі Караліну Мацкевіч;
- беларускую тэатральную акторку, акторку дубляжа фільмаў і аўдыякніг Крысціну Дробыш;
- акцёра тэатра і кіно Ігара Сігава;
- беларускую паэтку, літаратарку, вядоўцу Валярыну Куставу;
- беларускага акцёра, вядучага Сяргея Чуба.
Цяпер чытаюць
З Міністэрства культуры звольнілі першага намесніка Маркава3
Каментары