Ведаеце лубін? Навукоўцы з Мінска распрацавалі катлеты з яго. Але самі не гатуйце ні ў якім разе!
Лубіну ў нас — заваліся. Але ў ім ёсць небяспечныя алкалоіды. Яны робяць яго горкім на смак, а ў вялікіх канцэнтрацыях нават ядавітыя.
У беларускай Акадэміі навук прыдумалі, як рабіць катлеты і фалафель з лубіну. Чаму пра гэта задумаліся? Таму што цяпер крыніцы расліннага бялку — соя і нут — імпартныя. А навукоўцам паставілі задачу: стварыць мясцовую альтэрнатыву ім.
Лубіну ў нас — хоць гаць гаці. Але ў ім ёсць небяспечныя алкалоіды. Яны робяць яго горкім на смак, а ў вялікіх канцэнтрацыях нават атрутныя.
Каб лубін быў бяспечны для ўжывання, патрэбныя, па-першае, сталовыя гатункі. А па-другое, яго спачатку вымочваюць, а потым апрацоўваюць паветрана-азонавай сумессю, паведамляе агенцтва «Мінск-Навіны». Вось з такога лубіну атрымліваецца і намазка на хлеб, і катлеты тыпу соевых, і фалафель.
Паштэт можна намазваць на хлеб або выкарыстоўваць як соус. Катлеты вырабляюцца з дадаваннем круп і гародніны. Адзін варыянт робіцца з просам, морквай і цыбуляй і смакам нагадвае фалафель. Другі — з груцай, смажанымі грыбамі і гароднінай. Гэтыя катлеты — замарожаны паўфабрыкат, які можна смажыць.
Цяпер распрацоўка яшчэ ўдакладняецца: ствараюцца рэцэптуры і неабходныя дакументы, каб наладзіць масавую вытворчасць. Навукоўцы плануюць прапанаваць сваю прадукцыю беларускім прадпрыемствам, а таксама лічаць, што стравы на аснове гатовага молатага лубіну можна будзе гатаваць і ў хаце.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары