У Малдове вынеслі прысуд былому высокаму спецслужбісту за перадачу сакрэтных звестак беларускаму КДБ
У Малдове завочна вынеслі прысуд былому намесніку дырэктара Службы інфармацыі і бяспекі Малдовы Аляксандру Бэлану, паведамляе NewsMarker.md.
Суд у Кішынёве прызнаў Аляксандру Бэлана вінаватым у разгалошванні дзяржаўнай таямніцы і прызначыў яму пакаранне ў выглядзе аднаго года і шасці месяцаў пазбаўлення волі. Пасяджэнне праходзіла ў закрытым рэжыме, а сам Балан удзельнічаў у ім анлайн, бо зараз знаходзіцца пад хатнім арыштам у Румыніі.
Паводле слоў пракурора, Бэлан прызнаў віну і папрасіў разгледзець справу ў спрошчаным парадку. Рашэнне аб выкананні прысуду цяпер павінны рэалізаваць румынскія ўлады.
Раней Бэлана затрымалі ў Румыніі па падазрэнні ў перадачы сакрэтнай інфармацыі беларускаму КДБ. Следства сцвярджае, што ён сустракаўся з прадстаўнікамі беларускай разведкі ў Будапешце і мог перадаваць ім сакрэтныя звесткі за ўзнагароду.
Таксама ў Румыніі супраць былога малдаўскага спецслужбіста ідзе асобная справа, дзе яму пагражае больш сур’ёзнае пакаранне.
Стала вядома імя былога малдаўскага спецслужбіста, якога затрымалі за шпіянаж на карысць Беларусі
У Еўропе выкрылі беларускую шпіёнскую сетку. Арыштавалі былога кіраўніка малдаўскай контрразведкі
БелдзяржСМІ і каналы сілавікоў спрабавалі бударажыць Малдову разам з расіянамі. Вось што з гэтага выйшла
Стала вядома імя беларускага кадэбіста, які курыраваў завербаванага кіраўніка малдаўскай разведкі. І іх хітры спосаб камунікацыі
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары