Як прайшла Радаўніца ў вёсках, закінутых пасля чарнобыльскай катастрофы ФОТЫ
Шмат гадоў запар КПП Палескага дзяржаўнага радыяцыйна-экалагічнага запаведніка адкрываецца на некалькі дзён у перыяд Радаўніцы. Туды з'язджаюцца сваякі памерлых жыхароў вёсак, адселеных пасля чарнобыльскай катастрофы, каб ушанаваць іх памяць і прывесці ў парадак магілы. Некаторыя пасля прыбірання наведваюць некалі родныя мясціны: дамы, школу, якія цяпер закінутыя. Падрабязнасці — у фотарэпартажы фатографа выдання «Анлайнер» Віктара Драчова.
Беспрапускны рэжым у гэтыя дні дзейнічае з восьмай раніцы да пятай вечара. А палове дзявятай раніцы ў першай ад КПП вёсцы Дронькі ўжо сабралася каля дзясятка машын. Пры гэтым многія адзначаюць: з года ў год колькасць «гасцей» у запаведніку змяншаецца: нехта не можа прайсці такі шлях з-за ўзросту або хваробаў.
Але тыя, хто ўсё ж дабраўся да запаведніка, адразу прыступаюць да прыбірання могілак ад леташняга лісця, падфарбоўваюць агароджы. Былыя жыхары вёскі Дронькі Таццяна Цішчанка (на фота ў сінім паліто) і яе ўнук Кірыл зазірнулі ў сваю былую хату, хоць назваць яе рэшткі хатай даволі цяжка.
Наталля Купрэйчык са сваёй дачкой Юляй не толькі паказала карэспандэнтам сваё былое жыллё, але нават знайшла ў ім некалькі фотаздымкаў свайго дзяцінства — вялікая ўдача, што ад іх яшчэ нешта засталося.
Пасля таго журналісты пераехалі ў вёску Аравічы. Там экскурсію па мясцовай сярэдняй школе праводзіць яе былая вучаніца Ганна Навуменка. Ганна ўспамінае: піянерскі атрад, у якім яна была, насіў імя першай савецкай жанчыны-касманаўткі Валянціны Церашковай.
А вось вёска Краснаселле: на «зямлі» можна сустрэць статак коней, якіх шмат гадоў разводзяць навукоўцы запаведніка, а «з неба» — дакладней, з назіральнай вышкі — убачыць саркафаг чацвёртага блока Чарнобыльскай АЭС. Менавіта там у 1986 годзе прагрымеў страшны выбух.
«Ежа на могілках — так было заўсёды». Гісторык пра традыцыі памінальнага стала ў беларусаў
У Баранавіцкім раёне перад старадаўняй царквой спілавалі дрэвы. Жыхары абураныя
На Радаўніцу могілкі ў адселеных чарнобыльскіх вёсках можна наведваць без пропуску
Валачобніцтва і пакланенне каменным крыжам: якія велікодныя традыцыі захоўваюць беларусы
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
[Зрэдагавана]