З Беларусі ва Украіну залятаў паветраны шар, які ўзмацняе сігнал для расійскіх дронаў
Прэс-сакратар Дзяржаўнай памежнай службы Украіны Андрэй Дземчанка ў эфіры ўкраінскага тэлемарафону паведаміў, што вечарам 2 мая з тэрыторыі Беларусі ва Украіну залятаў паветраны шар, які з'яўляецца рэтранслятарам і дапамагае расійскім дронам, якія Расія запускае для атакі ўкраінскіх цэляў.
Дземчанка адказваў на пытанне адносна «спецыфічнай актыўнасці» з боку Беларусі, пра якую напярэдадні заяўляў прэзідэнт Украіны Уладзімір Зяленскі.
«Пагроза з боку Беларусі ніколі не знікае… Не магу зараз адкрыта раскрываць усяго, але можам чакаць або можам рыхтавацца да таго, што будуць спробы дэстабілізаваць сітуацыю ў кірунку нашай мяжы, не выключаем правакацый», — сказаў ён, не ўдакладніўшы, пра што менавіта ідзе гаворка.
У той жа час ён расказаў пра паветраны шар, на які ў сацсетках звярнулі ўвагу вечарам 2 мая:
«Учора вечарам [2 мая] таксама бачылі залёт з боку Беларусі паветранай цэлі, якую ў далейшым ідэнтыфікавалі як паветраны шар. Фактычна гэта рэтранслятар для таго, каб узмацняць сігнал для паветраных сродкаў знішчэння, якія Расія выкарыстоўвае супраць Украіны падчас абстрэлаў».
Зяленскі заявіў пра «спецыфічную актыўнасць» у Беларусі на мяжы з Украінай і гатоўнасць адрэагаваць
У новы санкцыйны пакет Украіны ўвайшлі 11 беларускіх прадпрыемстваў і 16 грамадзян Беларусі. Сярод іх Шэйман і сыны Лукашэнкі
«У расіян вельмі шмат хворых ідэй» — Зяленскі ацаніў рызыкі для Украіны з боку Беларусі
Лукашэнка: Якія б са мной перамовы ні вёў Захад, я цудоўна разумею, што не іх сукін сын
Зяленскі сказаў пра планы Расіі стварыць у Беларусі базу для запуску дронаў. У Мінабароны кажуць, што яго не так зразумелі
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары
смотрите,хлопцы,не то время для терпения ,наглость имеет всё-таки предел