Беларусь гатовая да правядзення кансультацый з Польшчай па пытаннях двухбаковых адносін. Пра гэта заявіў міністр замежных спраў Беларусі Максім Рыжанкоў у эфіры тэлеканала «Беларусь 1».
«Я б нашым польскім суседзям даў час сябе праявіць. У нас задач вельмі шмат і магчымасцяў вельмі шмат. Калі нам удасца адпрацаваць узаемныя транспартна-лагістычныя механізмы, ад гэтага толькі выйграюць абодва бакі. Калі мы знойдзем развязкі па нейкіх гандлёва-эканамічных пытаннях, памежным супрацоўніцтве (слухайце, чыгунка не працуе, самалёты не лётаюць, шэраг пунктаў пропуску застаецца закрытым, чэргі шалёныя), то, вядома, варта чакаць інтэнсіфікацыі кантактаў», — сказаў Максім Рыжанкоў.
Ён дадаў, што за інтэнсіфікацыяй кантактаў заўсёды ідзе развіццё адносін па ўсіх напрамках. Але мяч знаходзіцца на польскім баку.
«Яны шмат гаварылі, што ў іх ёсць нейкія ўмовы. Так склалася, што ўсе пытанні зняты сёння. Калі ласка, мы гатовы да правядзення кансультацый з польскім бокам на ўзроўні намеснікаў міністраў, на іншым узроўні — нейкага ўпаўнаважанага і гэтак далей. Каб для пачатку адпрацаваць увесь комплекс адносін. Хтосьці павінен сесці і зрабіць дакладны разбор палётаў, дзе ж мы сёння з польскім бокам знаходзімся, па ўсім коле адносін. Я думаю, што гэта павінны зрабіць МЗС», — падкрэсліў міністр.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак33
Каментары
Увогуле - да скачэньня вайны вялікіх размоваў чакаць не варта.