Вярхоўны лідар Ірана Маджтаба Хаменеі выдаў указ, які забараняе вываз з краіны ўзбагачанага ўрану. Пра гэта паведамляе агенцтва Reuters са спасылкай на высокапастаўленыя крыніцы ў іранскіх уладах.
Гэты крок можа істотна ўскладніць перамовы паміж Іранам, ЗША і Ізраілем. Рэч у тым, што пытанне ўрану — адно з ключавых у магчымым мірным пагадненні.
Раней прэзідэнт ЗША Дональд Трамп настойваў, што Іран павінен абавязкова вывезці свой узбагачаны ўран за мяжу, калі хоча дамовіцца. Паводле ізраільскіх чыноўнікаў, ён нават гарантаваў Ізраілю, што гэта будзе абавязковай умовай любой здзелкі з Тэгеранам.
Аднак Іран цяпер займае супрацьлеглую пазіцыю і фактычна адмаўляецца ад такой магчымасці, замацоўваючы гэта на ўзроўні дзяржаўнага рашэння.
Паводле ацэнкі Міжнароднага агенцтва па атамнай энергіі, у чэрвені 2025 года Іран меў 440 кілаграмаў урану, узбагачанага да 60%. Тэгеран шмат гадоў адкідае абвінавачванні ў імкненні стварыць ядзерную зброю і сцвярджае, што ўран патрэбны толькі для медыцынскіх мэтаў і даследчага рэактара.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
God bless America
[Зрэдагавана]