Сі Цзіньпін на сустрэчы з Пуціным заявіў пра неабходнасць завяршэння вайны ў Іране
Баявыя дзеянні на Блізкім Усходзе неабходна спыніць, заявіў старшыня КНР Сі Цзіньпін падчас перамоваў з расійскім прэзідэнтам Уладзімірам Пуціным у Пекіне, нагадаўшы пра асаблівае значэнне перамоваў для дасягнення міру, піша Reuters.com.
Спыненне вайны дапаможа зменшыць пагрозу стабільнасці сусветных паставак энергарэсурсаў і міжнароднага гандлю, сказаў Сі.
На мінулым тыдні кітайскі лідар прымаў у Пекіне Дональда Трампа. ЗША пачалі канфлікт у Іране 28 лютага, патрабуючы ад Тэгерана адмовіцца ад ядзернай праграмы.
Спробы прымусіць Іран прыняць умовы Вашынгтона не далі выніку, пры гэтым блакада Армузскага праліва, важнага канала экспарту нафты і ЗПГ з Персідскага заліва, справакавала ў свеце сур’ёзны энергетычны крызіс, уплыў якога адчуў і Кітай.
На гэтым фоне з расійскай нафты і газу былі часткова зняты санкцыі ЗША. Павелічэнне паставак расійскага газу ў Кітай павінна стаць адным з найважнейшых пытанняў візіту Пуціна ў Пекін, піша Бі-бі-сі.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары