Чакалася, што будзе выбрана сталіца — Сафія.
Песенны конкурс «Еўрабачанне-2027» пройдзе 11—15 мая 2027 года на чарнаморскім узбярэжжы Балгарыі, у горадзе Бургас, паведамілі Еўрапейскі вяшчальны саюз і Балгарскае нацыянальнае тэлебачанне.
У маі гэтага года «Еўрабачанне» праходзіла ў Вене. Яго перамагла балгарская спявачка Дара з запальным танцавальным хітом «Bangaranga». Гэта была першая перамога краіны на гэтым конкурсе, нагадвае Бі-бі-сі.
Дырэктар конкурсу Марцін Грын заявіў, што «ў захапленні» ад выбару месца правядзення, дадаўшы, што Бургас «прывядзе з сабой нешта сапраўды асаблівае» ў гэты конкурс.
Конкурс, уключаючы рэпетыцыі, паўфіналы і гранд-фінал, пройдзе ў найноўшым спартыўна-забаўляльным комплексе Arena Burgas, адкрытым у 2023 годзе.
«Гэта ажыўлены, гасцінны горад на Чорным моры з моцнай музычнай і культурнай самабытнасцю, і ў яго ёсць амбіцыі, інфраструктура і запал, неабходныя для таго, каб прыняць сям’ю «Еўрабачання»», — лічыць Грын.
Бургас — другі па велічыні горад на чарнаморскім узбярэжжы Балгарыі (пасля Варны). Яго выбралі па шэрагу прычын, у тым ліку з-за колькасці месцаў для адпачынку і гатэляў, транспартнай даступнасці і магчымасці дабрацца туды з іншых краін.
Для некаторых стала нечаканасцю, што конкурс пройдзе менавіта там, а не ў Сафіі, сталіцы Балгарыі.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары